சரும பாதுகாப்புக்கு ஏற்ற உணவு

Spread the love

சருமத்திற்கு ஏற்ப உணவு:

சருமப் பாதுகாப்புக்காக கணக்கிலடங்காத கிரிம்களும், தைலங்களும், லோஷன்களும் சந்தையில் குவிந்து கிடக்கின்றன. ஆனால் நமது வாழ்நாள் முழுவதும் சருமம் மாசு, மருவின்றி ஒளிர வேண்டும் என்று விரும்பினால் வெளித்தோலுக்கு மட்டுமின்றி உடலுக்குள்ளேயும் ஆரோக்கியமாக இருப்பது அவசியம். இதற்கு சமச்சீர் உணவு, சரியாக செரிமானம் ஆகுதல் மற்றும் கழிவுப் பொருட்களின் வெளியேற்றம் போன்றவற்றை முக்கியமாக கவனிக்க வேண்டும். கோடை காலம், குளிர்காலம் என்றும் வாத, பித்த, கபம் தோஷம் உள்ள சருமத்தினருக்கு ஏற்ற உணவுகள் முன்புள்ள பகுதிகளில் நாம் கூறியிருந்தாலும் இன்னும் கொஞ்சம் தெரிந்து கொள்ளுங்கள். ஆயுர்வேதம் பரிந்துரைக்கும் உணவுகளை நாம் தேர்தெடுக்கும் முன்பு வாத, பித்த, கபம் வகைகளில் நாம் எந்த வகைச் சருமத்தை உடையவர்கள் எனத் தெரிந்து கொள்வது அவசியம்.

வாத சருமப் பாதுகாப்பு:

வாத வகைச் சருமம் பெற்றவர்கள் சருமத்தினை நன்கு பராமரிக்கப்பட வேண்டும். சருமத்தைப் பராமரிக்க, அடிப்படை எண்ணெய்களும்,மூலிகைகளும் கலந்து உபயோகிக்க வேண்டும். இல்லையெனில், இந்த வகைச் சருமம் சீக்கிரமே சுருக்கங்கள் ஏற்பட்டு முதுமை அடைந்து விடும். சரியான உணவு, நல்ல உறக்கம் அமைத்துக் கொள்ள வேண்டும். சாதாரண வாத சருமம் உள்ளவர்கள் விரும்புவது எண்ணெய்ப் பசையுள்ள உணவுகள், இனிப்புகள், புளிப்பு, உப்புள்ள உணவுகள், பால், முழுத் தானியங்கள், பச்சைக் காய்கறிகள், கீரைகள் முதலியவற்றை உணவில் சேர்த்துக் கொள்ள வேண்டும். பழச்சாறுகள் வயிற்றைச் சுத்தம் செய்யும். பசுவின் நெய் முடிந்தால் ஆலிவ் எண்ணெயினை உணவில் சேர்த்துக் கொள்ளவும். ஈரத்தைக் காக்கும் மூலிகைகளை (Moisturiser) சேர்த்துக் கொள்ளவும். முகத்தை அடிக்கடி தண்ணீரால் கழுவவும். குடிக்க தினமும் வெந்நீரைப் பயன்படுத்தவும். கருமிளகு, இஞ்சி, மஞ்சள் இவற்றை அளவோடு உபயோகிக்கவும்.

பித்த சருமப் பாதுகாப்பு:

இந்த டைப் சருமமும் நன்கு பராமரிக்கப்பட போஷாக்கு தேவை. உடலை குளிர்விப்பதும் தேவையான ஒன்று. இனிப்பு, கசப்பு, துவர்ப்பு, ருசியுள்ள உணவுகள் இவர்களுக்குப் பிடிக்கும். காரசார உணவுகளைத் தவிர்க்கவும். பழ ரசங்கள், ரோஜா, குல்கந்து ( பாலுடன் ) முதலியவற்றை உட்கொள்ளவும். பித்த சருமம் மிகவும் மென்மையானதால் வெயிலில் அலைவதைத் தவிர்க்க வேண்டும். காரமான மசாலா கலந்த உணவுகளை தவிர்க்கவும்.

கப சருமப் பாதுகாப்பு:

பெருஞ்சீரகம், அதிமதுரம் பயனளிக்கும். குடிப்பதற்கு சாதாரண குளிர்ந்த நீரைப் பயன்படுத்தவும். இவர்களுக்கு எண்ணெய்ப் பசை குறைந்த உணவுகள் ஏற்றது. கசப்பு,துவர்ப்பு, கார சுவையுள்ள உணவுகள் உண்ணலாம். இஞ்சி, மஞ்சள், இலவங்கம், கருமிளகு உணவில் இடம் பெறலாம். தினசரி உடற்பயிற்சி அவசயம். இஞ்சிச் சாற்றுடன் எலுமிச்சைச் சாற்றை கலந்து உணவுக்கு முன்பு அருந்தவும். குடிப்பதற்கு வெந்நீரைப் பயன்படுத்தவும்.

மூன்று வகை தோஷங்களுக்கும் பொதுவான உணவுகள்:

1. கீரை எல்லா விதமான சருமத்திற்கும் நல்லது. நீராவியில் வேக வைத்து எடுத்துக் கொள்ளவும். கீரைகள் போலவே கேரட்டும் எல்லாவித சருமத்திற்கும் ஏற்றது.

2. பசுவின் பால், நெய், குங்குமப்பூ, ஏலக்காய் இவற்றை தினசரி இரவில் சேர்த்துக் கொள்ளலாம்.

3. பழரசங்கள் அனைத்துச் சருமங்களுக்கும் நல்லது. அவை தோலுக்கு ஈரப்பசையை உண்டாக்குகின்றன.

4. தனியா, சீரகம் எல்லா சருமத்திற்கும் ஏற்றது.

ஆரோக்கிய சருமத்திற்கு தவிர்க்க வேண்டியவை:

1. மைதா போன்ற ரொட்டி சார்ந்த உணவுகள்.

2. டின்னில் அடைக்கப்பட்ட ரெடிமேட் உணவுகள், கெட்டுப் போன உணவுகள்.

3. ஜவ்வரிசி, வினிகர்,ஈஸ்ட், பாட்டில் குளிர்பானங்கள்.

4. ராகி, மிளகாய், புளி, அதிகமான எள்.

5. எருமை மாட்டு மாமிசம், ஒட்டக மாமிசம், இறால்

6. வறுத்த, பெரித்த உணவுகள், கொழுப்பு நிறைந்த உணவுகள்.

சருமத்திற்கு ஏற்ற வீட்டுத் தயாரிப்புகள்:

1. புதிய கேரட் சாறு ஒரு கோப்பையுடன் அரைஸ்பூன் மஞ்கள் பொடி மற்றும் கால் தேக்கரண்டி ஏலக்காய்ப் பவுடர் தினமும் காலை, மாலை 2 அல்லது 3 வாரங்களுக்கு அருந்தி வரவும்.

2. தக்காளிக் கதுப்பை வெளிப்பூச்சாக முகத்தில் தடவி ஒரு மணி நேரம் கழித்துக் குளிக்கவும். முகம் பொலிவடையும். தக்காளிப் பழத்தை அப்படியே சாப்பிடலாம். அல்லது சாறு பிழிந்து அதனுடன் தேன் கலந்து பருக ரத்தம் சுத்தமடையும்.

3. அவ்வப்போது சம அளவு கோதுமை மாவுடன், பார்லி மாவு சேர்த்து செய்த சப்பாத்தியை சாப்பிடலாம். இதை பசுவின் நெய்யில் தயார் செய்தல் நல்லது.

4. இரண்டு தேக்கரண்டி ஓமம், இரண்டு தேக்கரண்டி துளசி இத்துடன் ஒரு துண்டு வெல்லம் சேர்த்து சாப்பிட்டால் மலச்சிக்கல் நீங்கும். வயிற்றுப் பூச்சிகளும் நீங்கும்.

5. தினமும் காலையில் ஒரு டம்ளர் வெதுவெதுப்பான நீரில் ஒரு தேக்கரண்டி தேன், எலுமிச்சைச் சாறு ( பாதி பழம் ) கலந்து குடித்து வந்தால் சருமம் பொலிவாகும்.

6. நுண்ணுயிர் ஊக்கி உள்ள தயிர் (Pro-biotic yoghurt) சருமத்திற்கு உகந்தது. எக்சிமா தினமும் சாப்பிடலாம்.

7. ஒமேகா 3 என்ற கொழுப்பு அமிலம் உள்ள மீன்களை உண்பது சருமத்திற்கு ஆரோக்கியத்தை தரும்.

சருமத்திற்கு ஏற்ற உணவுப் பட்டியல்:

தானியங்கள் -& அரிசி, பார்லி, கோதுமைப் பார்லி, ஓட்ஸ், சோளம்

காய்கறிகள் -& புடலங்காய், சுரைக்காய், பூசணிக்காய், பசலைக்கீரை, தாமரைத் தண்டு, காலிஃபிளவர், பாகற்காய், கேரட், வெள்ளரிக்காய், ஜாதிக்காய், தக்காளி.

பழங்கள் -& மாம்பழம், பலாப்பழம், மாதுளம், திராட்சை, நெல்லிக்கனி.

பால் சார்ந்த உணவுகள் &- பசுவின் பால், மோர், லஸ்ஸி, பசுவின் நெய்

மாமிசம் -& ஆடு, கோழி, முயல்

இதர உணவுகள் &- பாதாம் பருப்பு, குங்குமப்பூ, தேன், சர்க்கரை, தனியா, இலவங்கப்பட்டை,                       இலவங்கம், பூண்டு, இஞ்சி, மஞ்சள், மோர், கடுகு எண்ணெய்.

13.முகச்சுருக்கத்தை முறியடிக்கலாம்

முகச் சுருக்கம் முறியடிக்க என்ன செய்ய வேண்டும்?

முகத்தினை வைத்துத் தான் அவன் அழகாக இருக்கிறான்… அவள் அழகாக இருக்கிறாள் என்று நாம்  கூறுகிறோம். அந்த முகத்தில் சுறுசுறுப்பும் வாடி வதங்கியது போல தோற்றமும் காணப்பட்டால் என்ன நினைப்பீர்கள்? அழகு கெடுவதற்கு பல காரணங்கள் அமைந்தாலும் முகத்தில் மிக முக்கிய காரணமாக அமைவது முகச்சுருக்கம் தான். முகச்சுருக்கம் ஏற்பட்டால் சருமத்தின் ஆரோக்கியமும், அதன் காரணமாக அழகும் கெட்டு அல்லது குறைந்து விட்டது என தயக்கமில்லாமல் சொல்லி விடலாம். 20 வயது முதல் 30 வயது வரை “ப்ரி ஏஜிங்” காலம் ஆகும். இந்த வயதில் நாம் எந்த அளவுக்கு முக்கியம் தருகிறோமோ அந்த அளவுக்கு பிற்காலத்தில் தோல் சுருக்கங்கள் வராமல் தவிர்க்கலாம்.

தோல் சுருக்கத்தினை குறைப்பதற்கு அல்லது நீக்குவதற்கு என்று சந்தையில் சிறிய கம்பெனி முதல் பன்னாட்டுக் கம்பெனிகள் வரை தங்களின் அழகு சாதன தயாரிப்புப் பொருட்களை பார்வைக்கும், விற்பனைக்கும் குவித்து வைத்து இருக்கிறார்கள். அத்தனை அழகு சாதனப் பொருட்களிலும் நல்லவை, தீயவை என இரண்டும் கலந்து தான் விற்கப்படுகின்றன.

ஒரே மாதத்தில் தோலில் நிறம் மற்றும் தோலின் தன்மையை ஒரு கிரிமால் மாற்றி விடும் என்பதில் துளியும் உண்மையில்லை. இந்த வகைக் கிரிம்களில் இரசாயனம் கலக்கப்பட்டிருக்கக் கூடும். இதனால், இந்தப் பொருட்களினால் தோல் சம்பந்தமான பல பிரச்சனைகள் வர வாய்ப்பிருக்கிறது. உடனே பலன் தருவது போல, முகத்தைப் பொலிவாக்கி அதோடு பிரச்சனைகளையும் அந்த அழகுப் பொருட்கள் உண்டாக்கி விடலாம். வீரியம் அதிகம் உள்ள இரசாயன தன்மையுள்ள பொருட்களைப் பயன்படுத்துவதால் தோலில் புண்,எரிச்சல், தடித்து விடுதல், வீங்குதல், தோல் சுருங்கி தேமல் கரும்புள்ளி போன்ற பிரச்சனைகள் உருவாகும். விலை குறைவாகத் தருகிறார்கள் என்று மட்டமான பொருளை வாங்கக் கூடாது.

வைட்டமின் ஏ அல்லது வைட்டமின் சி மற்றும் பழத்தன்மை அதிகம் கொண்ட கிரிம்கள் தோலின் தன்மையை மாற்றி தோலுக்கு புதுப் பொலிவைத் தரும். எந்த வகை ரசாயனங்கள் சேர்க்கப்பட்டுள்ளது? அதன் நன்மை,தீமை என்ன? என்பதை முதலில் தெரிந்த பிறகு வாங்க வேண்டும். புதிதாக வாங்கிய கிரிம் சிலருக்கு அலர்ஜியைத் தரலாம். உடனே அந்த கிரிம் உபயோகிப்பதை நிறுத்தி விட்டு தோல் மருத்துவரைச் சந்திப்பது நல்லது. பழங்களால் தயாரிக்கப்பட்;ட இயற்கை கிரிமாக இருந்தால் அது தோலுக்கு நல்லது.

முகச் சுருக்கத்தைப் போக்க வேண்டுமெனில் நாம் இயற்கைக்கு மாற வேண்டும். அல்லது மருத்துவரின் ஆலோசனைப் பெற்று உங்கள் சருமத்திற்கு உகந்த கிரிம்களைப் பயன்படுத்த வேண்டும்.

முகச் சுருக்கம் குறைவதற்கு சில டிப்ஸ்கள்:

1. தினம் தோறும் குறைந்தது 3 முதல் 4 லிட்டர் வரை தண்ணீர் குடியுங்கள்.

2. இளநீர், நுங்கு, தர்பூசணி, புடலங்காய், பூசணி, சுரைக்காய், வெள்ளரி போன்ற நீர்ச்சத்து நிறைந்த காய், கனிகளை உணவில் சேர்த்துக் கொள்ளவும்.

3. தினமும் வைட்டமின் ஏ நிறைந்த காரட், மூன்று நிற வகைப் பழங்கள் சாப்பிடுங்கள். இதன் மூலம் சருமம் புதுப் பொலிவாகவும், இளமைத் தோற்றமாகவும் அமையும்.

4. மறக்காமல் உடற்பயிற்சி செய்யுங்கள்.

5. அடிக்கடி முகத்தை நன்றாகக் கழுவிச் சுத்தமாக வைத்துக் கொள்ளுங்கள்.

6. குளித்தவுடன் முகத்தை அழுத்தித் தேய்க்காமல் துணியால் மெதுவாக ஒத்தி எடுக்கவும்.

7. மனதில் கவலையைக் குறைத்துக் கொண்டாலே போதும். முகத்தில் எப்போதும் இளமையும், புத்துணர்வும் பெருகி விடும்.

8. இரண்டு வைட்டமின் ‘இ’ காப்ஸ்யூல்களிலிருந்து எடுத்த எண்ணெய்யை தடவி 15 நிமிடத்திற்கு பின்பு கழுவி விடவும்.

9. சோள மாவு ஒரு மேஜைக் கரண்டி, தேன் அரை தேக்கரண்டி சேர்த்துக் குழைத்து முகத்தில் தடவிக் கொள்ளவும். அரை மணி கழித்து கழுவி விடவும்.

10. கற்றாழை பொடி, ஆரஞ்சுப் பழத் தோல் பொடி, ரோஜாப்பூ பொடி, சந்தனப் பொடி இவற்றை தலா அரை தேக்கரண்டி எடுத்து, உலர்ந்த சருமமுடையவர்கள் பாலிலும், எண்ணெய்ப் பசை சருமம் உள்ளவர்கள் முல்தானி மட்டி கலந்த தண்ணீரிலும் குழைத்து முகத்தில் பூசவும்.

11. காரட் 250 கிராம் மற்றும் பாதாம் அல்லது ஆலிவ் எண்ணெய் ஒரு தேக்கரண்டி எடுத்துக் கொள்ளுங்கள் கேரட்டை பொடியாக நறுக்கி மிக்ஸியில் அரைத்துக் கொள்ளவும். எண்ணெய் சேர்த்து ஃப்ரிட்ஜில் இரண்டு மணி நேரம் வைக்கவும். பிறகு முகத்தில் கன்னங்களில் மற்றும் கண்களைச் சுற்றியும் தடவவும். 30 நிமிடம் அப்படியே உலர வைத்த பின்பு கழுவி விடவும். இது எல்லா டைப் சருமத்திற்கும் உகந்தது.

தயாரிக்கப்பட்ட மூலிகை மருந்துகள் அனைத்தும் சுத்தமானவை என்று சொல்ல முடியாது. சிலவற்றில் சோடியம் லெவல் சல்பேட் (Sodium Lavel Salphate) கலந்திருக்கலாம். இது சருமத்திற்கு கேடு செய்யும். எனவே பிரபலமான நம்பகமான தயாரிப்புகளை வாங்கவும்.


Spread the love
error: Content is protected !!