முக அழகைத் தரும் முல்தானி மட்டி

Spread the love

முல்தானி மட்டி என்பது ஏதோ ஒரு மூலிகைச் செடியிலிருந்து உருவாக்கிய பவுடர் என்று தான் பெரும்பாலோர் நினைக்கிறார்கள். முல்தானி மட்டி என்பது களி மண்ணில் ஒரு வகை என்று கேள்விப் பட்டால் ஆச்சரியப்பட்டு போவீர்கள். களிமண், பாறைகளின் சிதைவினால் ஏற்படும் தாதுப் பொருட்களின் கலவை. நீண்ட காலம் பாவைகள் அதுவும் சிலிகேட் நிறைந்த பாறைகள் கார்பானிக் அமிலம் போன்றவற்றால் ரசாயனம் மற்றும் கால நிலை மாறுபாட்டாலும், ஹைட்ரோதெர்மல் ( நீர்உஷ்ணம் ) செயல்களாலும் சிதைவடைந்து களிமண் தாதுப் பொருட்கள் படிந்து விடுகின்றன.

பெரிய அளவில் தாதுப் பொருட்களின் குவியல் ஏற்படுவதற்கு முக்கிய காரணம், உண்டான இடத்திலிருந்து வேறு இடங்களுக்கும் அடித்துச் செல்லப்பட்டு, ஒன்றின் மேல் ஒன்றாக அடுக்காக சேர்ந்து விடுகிறது.

களிமண்ணில் கிட்டதட்ட 30 வகைகள் உள்ளன. சுத்தமான களிமண் கிடைப்பது அரிது. சர்ம நோய்களுக்கு சிலவகை களிமண்கள் மருந்தாகின்றன. உண்டாகும் இடத்திலேயே நிலை கொண்டிருக்கும் களிமண் படிவங்கள் முதல்தர படிவங்கள் அல்லது கயோலின் (Kaolin) களிமண் படிவங்கள் என்கிறோம். முல்தானி மட்டி, கயோலின் போன்ற களிமண்கள் முகத்தின் அழகை, பளபளப்பை அதிகரிக்கும். இந்த களிமண்கள் சருமத்திலிருந்து அழுக்கை, நச்சுகளை காந்தம் இரும்பை இழுப்பது போல இழுத்து விடும். களிமண் முக மாஸ்க் என்று கூறலாம். அதிக எண்ணெய்ச் சுரப்பினால் முகம் பொலிவின்றி பருக்களால் பாதிக்கப்படுவதை முல்தானி மட்டி தடுக்கும். முல்தானி மட்டி ஆங்கிலத்தில் Fuller’s Earth  என அழைக்கப்படுகிறது. இது சர்மத்தைச் சுத்திகரிக்கும் இயற்கையான பொருள். ஈரமான முல்தானி மட்டி பச்சை நிறமாக காணும். இதை Montmorillonite – Braring Clay  பிரிவைச் சார்ந்தது. இந்த பிரிவிலுள்ள களிமண்கள் தண்ணீரை அதிகமாக உறிஞ்சி, உப்பும் திறமையுடையவை. பிரான்ச் நாட்டிலுள்ள Montonarillon  என்ற இடத்தில் இருந்து முதலில் எடுக்கப்பட்டதால் இந்த பெயர் வந்தது.

முல்தானி மட்டி உபயோகிக்கும் முறை:

1. தண்ணீரில் குழைத்து முகம், கழுத்து, முடி ஆகியவற்றில் தடவி ஒரு மணி நேரம் கழித்து கழுவவும். உடல் முழுவதும் கூடப் பூசிக் கொள்ளலாம்.

2. நார்மலான, உலர்ந்த சருமத்திற்கு முல்தானி மட்டி 6 பாகம் கற்றாழைச் சாறு, முட்டை வெள்ளை அல்லது சுத்தமான நீர், ஒரு பாகம் தேன் கலந்த கலவையைப் பயன்படுத்தலாம்.

3. எண்ணெய்ப் பசை மிகுந்த சருமத்திற்கு 5 பாகம் முல்தானி மட்டியுடன் தேன், கற்றாழைச் சாறு, எலுமிச்சைச் சாறு இவைகள் தலா ஒரு பாகம் கலந்து பயன்படுத்தினால் நல்ல நிவாரணம் பெறலாம்.

சரும அழகிற்கு வினிகர்:

வினிகர் என்றால் சமைப்பதற்கு மட்டும் தான் என்று நம்பியவர்கள் பலர். ஆனால், சருமத்திற்கும் அதிகம் நன்மைகளைத் தருகிறது. வினிகரைப் பயன்படுத்தினால், முகம் பளபளப்பாக, பருக்கள், வறட்சி, கரும் புள்ளிகள் இன்றி பொலிவாக காணப்படும்.

உழைக்கும் மக்களில் பெரும்பாலோனோர் உடலில் ஏற்படும் வேர்வை காரணமாக துர்நாற்றம் வீசும். அத்தகையவர்கள், குளிக்கும் நீரில் சிறிய கப் அளவு வினிகரைக் கலந்து குளித்து வந்தால் உடல் துர்நாற்றம் நீங்கும்.

முகம் கழுவும் போது ஒரு சிறிய தேக்கரண்டி அளவு வினிகர் எடுத்து நீரில் கலந்து தேய்த்தால் சருமம் மென்மையாகும். பளபளப்பாகும்.

எண்ணெய்ப் பசை உடைய சருமத்தினருக்கு, சருமத்தில் அதிகப்படியான எண்ணெய் காணப்படும். இவர்கள் ஒரு கப் நீரில் பாதிக்குப் பாதி வினிகர் மற்றும் தண்ணீரைக் கலந்து கழுவி வர, சருமத்திலிருந்து வெளிவரும் அதிகப்படியான எண்ணெய்ப் பசையானது நீங்கி அளவான எண்ணெய்யுடன், வறட்சியின்றி முகம் காணப்படும்.

வெயிலால் சருமத்தில் அரிப்பு, எரிச்சல், கொசுக்கடி, பூச்சிக்கடியால் ஏற்படும் எரிச்சல் மற்றும் வெட்டுக்காயம் போன்றவற்றைக் குணப்படுத்த உதவுகிறது.

பாதத்தில் ஏதேனும் பிரச்சனை இருக்கிறதா?

அதனைப் போக்குவதற்கு, வினிகரை நீரில் கலந்து அதில் கால்களை ஊற வைக்க வேண்டும். குதிகால் வெடிப்பால் அவதிப்படுபவர்கள், மெருகேற்ற உதவும் கல் கொண்டு, பாதங்களை தேய்த்த பின்னர் வினிகர் நீரில் பாதங்களை ஊற வைக்க வேண்டும். இதனால் பாத வறட்சி நீங்கி குதிகால் வெடிப்பு நீங்கி விடும். கைகள் அழுக்கோடு, மென்மை இழந்து காணப்பட்டால், வினிகர் கலந்த நீரில் கைகளை கழுவி விட கைளில் உள்ள அழுக்குகள், கிருமிகள் நீங்குவது மட்டுமல்லாது கைகளும் மென்மையாகும்.

முகத்தில் கரும்புள்ளிகள் இருக்கிறதா?

மூன்று ஸ்ட்ரா பெர்ரியை மசித்து, அதில் சிறிது ஆப்பிள் சீர் வினிகரை ஊற்றி கலந்து, இரண்டு மணி நேரம் ஊற வைத்து இரவில் தூங்கும் முன்பு, கரும்புள்ளிகள் உள்ள இடத்தில் தடவி ஊற வைத்து காலையில் கழுவினால் கரும்புள்ளிகள் அறவே போய் விடும்.

அழகுக்கு வால்நட்ஸ் உதவும்:

உலர் பழங்கள் (Dry Fruits) என்று சொல்லப்படும் நட்ஸ் நமது உடலுக்குக் குறிப்பாக வால்நட்ஸ் ஆரோக்கியத்தை அளிப்பது மட்டுமல்லாமல், வெளிப்புறத்திற்கு அழகையும் அள்ளித் தெளிக்கிறது.

வால் நட்ஸில் ஆன்டி-ஆக்சிடன்ட்கள் கொலாஜன் உற்பத்தியை மேம்படுத்தி அணுக்களை சீர்படுத்துகிறது. இதை உணவில் சேர்த்துக் கொள்ள சருமம் சிறப்பாக இருக்கும். மெல்லிய கோடுகள், சுருக்கங்கள், வயதாகும் அறிகுறிகள் தெரியாது. உங்களுக்கு வயதானதே வெளியில் தெரியாது. வால் நட்ஸை சாப்பிடுவதன் மூலம் அல்லது வால் நட்ஸ் எண்ணெயை முகத்தில் தேய்ப்பதின் மூலம் கோடுகள் மற்றும் சுருக்கங்களுக்கு விடை கூறலாம். வால் நட்ஸ் எண்ணெய் சருமத்தில் ஏற்படும் தொற்றுகளில் இருந்தும் உங்களைப் பாதுகாக்கும். வால் நட்ஸ் எண்ணெய்  பூஞ்சை எதிர்ப்பு மற்றும் அழற்சி எதிர்ப்பு குணம் கொண்டது. ஒமேகா 3 கொழுப்புகள் வால்நட்ஸில் அதிகமாக உள்ளது. இதனால் சரும அணுக்களை வலுவாக்கவும், சருமத்தில் ஈரப்பதத்தை தக்க வைத்துக் கொள்ளவும், நச்சுக்களை நீக்கவும் உதவுகிறது.

சரும ஆரோக்கியத்திற்கு உதவும் வைட்டமின் – இ :

அழகு சாதனப் பொருட்களை விரும்பாதவர்களே இல்லை. முகத்திற்கு பவுடர் கூட போடாத ஆட்களை விரல் விட்டு எண்ணி விடலாம். சரும ஆரோக்கியத்தில் வைட்டமின்- இ&யின் பயன்கள் அதிகம். அதனால் தான் வைட்டமின்- இ உள்ள மேனி அழகு சாதனங்கள் சரும பாதுகாப்பிற்கு பெரிதும் விரும்பப்படுகின்றன. விட்டமின்-இ கொழுப்பில் கரையும் விட்டமின்களில் ஒன்று. காய்கறிகளிலும், மாமிச உணவுகளிலும் பரவியுள்ளது. வைட்டமின்-இ ஒரு ஆன்டி ஆக்சிடன்ட் ஆகும். புற ஊதா கதிர் வீச்சு, சுற்றுப்புற மாசுக்கள், மருந்துகள் இவற்றால் உண்டாகும் செல்களை அழிக்கும் ப்ரிரேடிகல்களின் (Free Radicals) தாக்குதல்களில் இருந்து சருமத்தைப் பாதுகாக்கும்.

வைட்டமின்-&இ தரும் பிற பயன்கள்:

சருமத்திற்கு எதிரியாக இருப்பது சூரியனின் வெப்பத்தில் இருக்கும் புற ஊதாக் கதிர்கள் தோலில் ஊடுருவி, ஆக்ஸிஜன் அணு மூலக்கூறுகளை சிதைத்து ப்ரிரேடிகல்களாக மாற்றி விடும். இந்த ரேடிகல்கள் நல்ல செல்களை அழிக்கத் தொடங்கி விடும். லிபிடுகள் ( கொழுப்புகள் ), புரதங்கள், மரபணுக்கள் இவைகளெல்லாம் தாக்கப்படுவதால், சருமம் மீளும் தன்மையினை இழந்து சுருக்கங்கள், வயது முதிர்ந்து வரும் தோலில் களங்கங்கள் மற்றும் பொலிவிழந்து காணப்படும். சருமப் புற்று நோய் கூட வர வாய்ப்புண்டு. வைட்டமின் ‘இ’யை உபயோகிப்பதால், சூரிய வெப்பத்தில் இருந்து சருமம் பாதுகாக்கப்படும். சருமத்தின் இளமையும் நீடிக்கப்படுகிறது.

1. விட்டமின் ‘ஏ’வும் சரும ஆரோக்கியத்திற்கு தேவையான வைட்டமின் தான். இதை உடலில் வழிப்படுத்துவதும் வைட்டமின் ‘இ’ தான்.

2. பல வித சரும வியாதிகளுக்கு அளிக்கப்படும் சிகிச்சையால் வைட்டமின் ‘இ’ உதவுகிறது.  ‘ சோரியாசிஸ் ’ சிகிச்சைக்குத் தரப்படும் மருந்துகளில் வைட்டமின் ‘இ’ சேர்க்கப்படுகிறது. எரித்துமா (Erythema) என்ற தோல் அழற்சிக்கு நல்லது.

3. சருமத்தின் எண்ணெய்ப் பசையை சரிசமமான நியையில் வைக்க உதவுகிறது.

4. தோலின் நோய் எதிர்ப்புத் தன்மையை அதிகரிக்கிறது. தோலில் இருந்து நீர் இழப்பை குறைக்கிறது.

வைட்டமின் ‘இ’ உள்ளுக்குள் உட்கொள்ளுவதை விட தோலின் மேல் பகுதியில் மேல் பூச்சாக ( தைலமாக, களிம்பு வடிவில் ) பயன்படுத்துவது சிறந்தது. தோலானது வெகுசுலபமாக வைட்டமின் ‘இ’ எண்ணெய்யை உட்கிரகித்துக் கொள்ளும் ஆற்றல் உடையது. தோலில் சில இடங்களில் வைட்டமின் ‘இ’ தைலத்தைத் தடவ முடியாமல் போனால், அப்போது வைட்டமின் ‘இ’ காப்ஸ்பூல்களை உட்கொள்ளலாம்.

கொட்டைகள், விதைகள், காய்கறிகள், பழங்கள், மீன் மற்றும் தாவர எண்ணெய் வகைகள், முளை கட்டிய தானியங்கள் ( முக்கியமாக கோதுமை மற்றும் அரிசி ) போன்றவற்றில் வைட்டமின் ‘இ’ அதிகம் உள்ளது.


Spread the love
error: Content is protected !!