ஏன் ஏறுகிறது வயது? குறைக்கும் வழிகள்

Spread the love

ஆண்டொன்று போனால் வயதொன்று கூடும்! இதைத் தவிர்த்து என்றும் இளமையாக இருக்க முடியுமா? நமது புராணங்களில் முதுமையை அடைந்தவன் அதை “பண்டமாற்றுதல்” போல் இளைஞனிடம் கொடுத்து அவனின் இளமையை பெற்று களிப்பதாக கதைகளை படித்திருக்கிறோம்.

முதுமை எனும் வயது ஏறும் நிகழ்வு படிப்படியாக ஏற்படுகிறது. உடல் செல்கள் குறிப்பிட்ட ஆயுளை உடையவை. செல்கள் பெருகுவது அவை இரண்டாக பிரிந்து கொண்டே போவதால் தான். பல தடவை இரண்டாக பிரிந்த பின் அவை மெத்தனமாகி விடுகின்றன. அவற்றின் உருவங்கள் மாறும். பிரிவது குறையும். கடைசியில் நின்று விடும்! இது செல்களின் முதிர்வு (Cellular Senescence) எனப்படும். உயிரியல் நிபுணர்களுக்கு, செல்கள் எவ்வளவு தடவை உடைந்து பெருகுகின்றன என்பதை குரோமோசான் அமைப்பின் Telomere என்றும் பொருள் பதிவு செய்கிறது என்பது தெரியும்.

இந்த விஷயங்களைப் பற்றி மேற்கொண்ட ஒரு சமீபத்திய ஒரு உயிரியல் ஆய்வின் படி, செல்கள் முதிர்ச்சி அடைந்தாலும், Telomere கள் தேய்ந்து போனாலும் அவற்றின் DNA, பெரிதும் மாற்றமடைகின்றன. இந்த மாற்றங்கள் தான் நமது வயது ஏறுவதின் காரணம்.

இந்த ஆய்வின் தலைவர் Dr. கார்ல் செடர் (Dr. Karlseder) கூறுகிறார் – இந்த ஆய்வுக்கு முன்பு, நமக்கு தெரிந்த விஷயம் செல்கள் இரண்டாக பிரியும் போது Telomere கள் குட்டையாகி நீளம் குறைந்து கொண்டே போகின்றன. Telomere கள் ஒரு குறிப்பிட்ட நீளத்தை அடைந்ததும் செல்கள் பிரிவது நின்று விடுகிறது அல்லது செல்கள் இறந்து விடுகின்றன. இந்த அறிகுறிகள் செல்லின் உட்கரு (Nucleus) பலமாக தென்பட வேண்டும்.

இதை இன்னும் விவரமாக ஆராயவே இந்த சமீபத்திய ஆய்வு மேற்கொள்ளப்பட்டது. செல்களி ‘ஹிஸ்டோன்’ (Histone) எனும் புரதம் உள்ளது. இளவயதினரின், 30 தடவை “பிரிந்த” செல்களின் ஹிஸ்டோன் அளவுகளும், நடுத்தர வயதை தாண்டியவர்களின் 75 தடவை பிரிந்த முக்கால் முதிர்ச்சி அடைந்த செல்களின் (8 தடவை பிரிந்தால் செல் முழு முதிர்ச்சி அடையும்)

ஹிஸ்டோன் அளவுகளும் ஒப்பிடப்பட்டன. ஹிஸ்டோன் புரதங்கள் DNA வின் கோடு போன்ற இழைகளை பல பகுதி கூடிய உட்கருவாக (Nuclear Complex) அழுத்தி வைக்கின்றன. இந்த பல பகுதிகள் கூடிய நியூக்லியர் காம்ப்லெக்ஸ் ‘குரோமாடின்’ (Chromatin) எனப்படுகிறது. இளம் செல்களை விட முதிர்ந்த செல்கள் குறைவான ஹிஸ்டோனை உண்டாக்குகிறது. செல்கள் முதிர முதிர, ஹிஸ்டோன் அளவுகள் குறைந்தன. இந்தப் புரதங்கள் (ஹிஸ்டோன்) ஒரு செட் (வரிசை) ஜெனோம்களுக்கு (Genomeதேவை. ஜெனோம் என்றால் ஒரு உயிருள்ள பொருளின் அடிப்படை குரோமசான் செட். உதாரணமாக மனிதனுக்கு 23 குரோமாசன்கள் உள்ள ஒரு ஜெனோம் உள்ளது. எனவே ஹிஸ்டோன் அளவுகள் குறைந்தால் ஜெனோமின் நிலைமை ஏறுமாறாகும்.

மேலும், ஆய்வுக்குழு இளம்செல்களுக்கு முதிர்ந்த செல்களுக்கும் இடையே உள்ள காலப்போக்கு முதலியவற்றை ஆராய்ந்தது. செல்கள் பிரிவடையும் போது ஒவ்வொரு நிலையிலும் செல்களின் அபரிமிதத்திலும்,  ரகங்களிலும் வித்தியாசங்கள் தெரிந்தன. இளம்செல்கள் ‘மகிழ்ச்சியான’ ஆரோக்கிய குரோமடின்களை உடையவாக இருந்தன. வயதான செல்கள் பெருகுவதற்காக பிரியும் போதும் செல் பிரிவது முடிந்தவுடன் ஆரோக்கிய குரோமாடின்னாக இருக்க அவதிப்பட்டு Stress ) க்கு உள்ளதும் தெரியவந்துள்ளது.

ஒரு ஒன்பது வயதுடையவரின் செல்களும், 92 வயதுடையவரின் செல்களும் ஒப்பிடப்பட்ட போது தத்ரூபமாக ஹிஸ்டோன் மாறுதல்கள் தெரிந்தன.

வயதான பின் வரும் புற்றுநோய் போன்ற வியாதிகளுக்கு DNA தான் பொறுப்பு என்று கருதப்படுகிறது. ஆனால் இந்த ஆய்வு வயதாவதே ஒரு சிக்கலான சமாச்சாரம்; Telomere கள் மாற்றுவதால் ஏற்படுகிறது. DNA வும், ஹிஸ்டோமான்களும் எவ்வாறு இணைந்து செயல்படுகின்றன என்பது  மரபணுக்களுக்கு கணிசமான விளைவுகளை உண்டாக்கும்.

வயதைக் குறைக்க வயதான செல்களின் Telomere கள் என்சைம்களால் வீரியமாக்கப்பட்ட போது, பலப்படுத்தப்பட்ட முதிர்ந்த செல்கள் இளம் செல்களை போல் ஹிஸ்டோன் அளவுகளை அதிகமாக காட்டின. இனம் செல்களைப் போல் மகிழ்ச்சியான ஆரோக்கியத்தை ஓரளவாவது காட்டின. ஆகா, நாம் நமது செல்களின் Telomere களை நீட்டினால் இளமையாகலாம் என்று நீங்கள் நினைத்தால், பொறுங்கள் என்கிறார்.

Dr. கார்ல் செடர் செல்களின் ஆயுளை நீட்டிக்கும் முயற்சிகளின் மறுபக்கம் – இறவாத செல்களை உருவாக்குவதால் புற்றுநோய் வர வழிவகுக்கும்.

இந்த ஆய்வுகள் மேலும் தொடரப்படும். ஒவ்வொரு வயதிலும் ஏற்படும் ஹிஸ்டோன் மாற்றங்கள் கண்காணிக்கப்படும் என்கிறார் Dr. கார்ல் செடர்.

சர்மம் வயதாவதை தடுக்க ஆயுர்வேத யுக்திகள்

சர்மம் முதிர்வதை தடுக்க பாதாம் மற்றும் ஆலிவ் எண்ணெய் சிறந்த ஆயுர்வேத தைலங்கள் படுக்கும் முன் பாதாம் (அ) தேங்காய் எண்ணெய் (அ) நெய்யினால் முகத்தை மசாஜ் செய்து கொள்ளவும். இரவில் மசாஜ் செய்தால் தான் சர்மம் சுலபமாக எண்ணெய்களை உறிஞ்சும். சுருக்கங்கள், சர்மம் உலர்ந்து போதல் முதலியவற்றுக்கு எண்ணெய் மசாஜ் சிறந்த வைத்தியம்.

நெய்யில் வைட்டமின் ‘இ’, பீடா – கரோடின் நிறைந்திருப்பதால் அது செல் பாதிப்புகளை தடுக்கிறது. உடல் முழுவதும் தடவிக் கொள்ளலாம். சிறந்த வழி தினசரி உணவில் 1 (அ) 2 தேக்கரண்டி நெய் சேர்த்துக் கொள்ளவும்.

புதிதாக எடுத கற்றாழை சாறை தோலில் தடவலாம். புதியதாக கிடைக்காவிட்டால் கடைகளில் கிடைக்கும் கற்றாழை சாறை உபயோகிக்கலாம்.

தேனும் சர்ம வயதை குறைக்கும். அரை மேஜைக்கரண்டி தேனுடன் 1 (அ) 2 மேஜைக்கரண்டி ரோஜாப்பன்னீரை குழைத்து முகம், கழுத்து மற்றும் உடல் பாதங்களில் தடவவும். 15 (அ) 20 நிமிடங்கள் கழித்து, வெதுவெதுப்பான நீரில் முகத்தை கழுவவும்.

வெய்யிலில் வெளியே செல்ல வேண்டாம். முகச் சுருக்கங்கள் ஏற்படும். வெளியே செல்ல நேர்ந்தால் குடை கொண்டு போகவும்.

புகைபிடித்தால் சர்மத்தின் முக்கிய பொருட்களான எலாஸ்டின் (Elastin), கொல்லாஜன் (Collagen) சீர்குலைகின்றன. புகைபிடிப்பதை விடவும்.

நல்ல தூக்கம் அவசியம். பக்கவாட்டில் படுப்பதை விட மல்லாந்து படுப்பதால் சுருக்கங்கள் வருவதை தவிர்க்கலாம்.

உணவில் நிறைய காய்கறிகள், பழங்களை சேர்த்துக் கொள்ளவும். உடலையும், சர்மத்தையும் இளமையாக வைக்க இவை உதவும்.

சர்மம் ஈரப்பசையுடன் இருக்க நிறைய தண்ணீர் குடிக்கவும்.

அடிக்கடி முகத்தை கழுவினால் ஈரப்பசை, சர்ம எண்ணெய் பசைகள் நீங்கி விடும். இதனால் சுருக்கங்கள் தோன்றி சர்மம் முதுமையடையும்.

துளசி இலைகளை நீரிலிட்டு பாதி அளவாக நீர் குறையும் வரை காய்ச்சவும். இந்த நீரைக் குடிக்கவும். கொதிக்க வைத்த துளசி இலைகளையும் உண்ணலாம். துளசி வயதைக் குறைக்க வல்லது.

பச்சை (Green) தேயிலையை குடிப்பதை பழக்கப்படுத்திக் கொள்ளவும். இது வயது முதிர்வதை தாமதமாக்கும்.

உண்ணத் தூண்டும் உணவுகளில் வண்ண வடிவில் நஞ்சுகள்

வர்ணம் சேர்க்கப்பட்ட சில உணவு வகைகள் பார்ப்பதற்கு கவர்ச்சியாகவும் சாப்பிடத் தூண்டுவதாக இருந்தாலும், அவை பல விதமான நஞ்சு வர்ணங்கள் சேர்க்கப்பட்வையாக இருக்கலாம்.

நாங்கள், பொதுவாக விரும்பி உண்ணப்படும் உணவு வகைககளில் 40 உதாரணங்களில் ஆபத்தை விளைவிக்கும் நஞ்சு வர்ணங்கள் உள்ளதா இல்லையா என்பதனைச் சோதனை செய்தோம்.

இவ்வுதாரணங்கள் புக்கிட் மெர்தாஜாம், நிபோங் திபால் மற்றும் கூலியிலுள்ள மளிகைக் கடைகள், சாப்பாட்டுக் கடைகள், மார்கெட்டில் உள்ள கடைகள் போன்றவற்றிலிருந்து எடுக்கப்பட்டவையாகும். இவ்வாறு மேற்கொள்ளப்பட்ட சோதனையின் மூலம் 40 உதாரணங்களுமே உடலுக்கு ஆபத்தை விளைவிக்கும் நஞ்சுள்ள வர்ணம் அடங்கியுள்ளதாக கண்டறியப்பட்டுள்ளது. இந்த அனைத்து உணவு வகைகளிலும் தடை செய்யப்பட்ட ரோடாமின் H யைச் சேர்த்து, மொத்தம் 7 விதமான வர்ணங்கள் அடங்கியுள்ளதாக கண்டறியப்பட்டுள்ளது.

ரோடாமின் H யைத் தவிர்த்து, கார்மோய்சின், பிரில்லியன்ட் ப்லூ, தார்த்ராசைன், சன்செட், யெல்லோவ், போன்கியாவ், 4 ஆர் மற்றும் எரிஸ்த்ரோசின் போன்ற நஞ்சு வர்ணங்களும் இருப்பதாக கண்டுபிடிக்கப்பட்டுள்ளது. கார்மோய்சின் மற்றும் போன்கியாவ் 4 ஆர் போன்ற நஞ்சு வர்ணங்கள் புற்றுநோயை வரவழைப்பதாகும். இந்த வர்ணங்கள் கனடாவிலும், அமெரிக்காவிலும் தடை செய்யப்பட்டுள்ளன.

பிரில்லியன்ட் ப்லூ, தார்த்ராசைன், சன்செட் யெல்லோவ் மற்றும் எரிஸ்த்ரோசின் கூட புற்றுநோயை வரவழைக்கும் இராசயன வகைகளாகும். அமெரிக்காவில் உணவு வகைகளில் தார்த்ராசைன் உபயோகிக்கப்பட்டிருக்குமானால் அவை லேபலில் குறிப்பிட்டிருக்கப்பட வேண்டும். பிரில்லியன்ட் ப்லூ, சன்செட் யெல்லோவ், எரிஸ்த்ரோசின் போன்ற வர்ணங்கள் பல நாடுகளில் தடை செய்யப்பட்டவையாகும். இருப்பினும் இந்த 6 வகை வர்ணங்களும் நம் நாட்டுச் சட்டத்தால் உபயோகத்திற்கு ஏற்றுக் கொள்ளப்பட்டிருக்கிறது. எங்களுடைய சோதனையின் முடிவுகளை உங்களுக்காக கீழே தந்துள்ளோம்.

தார்த்ராசைன்:

ஆரஞ்சு, மஞ்சள் நிறத்தைக் கொடுக்கும் இந்த இராசயனம் பலருக்கு அலர்ஜியைக் கொடுக்கக் கூடியது. இது சோதனை செய்யப்பட்ட 28 உணவு வகைகளில் காணப்பட்டுள்ளது. இவைகளில் பலகாரங்கள் (பஜ்ஜி, காராசேவு சேமியா சாச்சா, காய்ந்த மிளகாய்) மாங்காய் மற்றும் இஞ்சி ஊறுகாய், மிட்டாய் வகைகள், தேங்காய்ப்பால் ஆக்கரக்கா, பிரியாணி, சாகோ பார்லி (நோன்பு திறப்பதற்கு உபயோகிக்கப்படும் பானம்) போன்றவை ஆகும்.

சன்செட் யெல்லோவ்

சோதனை செய்யப்பட்ட 17 உணவு வகைகளில் இவ்வர்ணம் உள்ளதாக கண்டறியப்பட்டுள்ளது. அவ்வுணவு வகைகள் வருமாறு: கேசரி, ஜிலேபி (2 விதமான இந்திய உணவு வகைகள்), ஐஸ் கிரீம் மலேசியா(பழ ஊறுகாய்கள், பிரியாணி மற்றும் சாகோ பார்லி).

பிரில்லியன்ட் ப்லூ

குழந்தைகளின் மிதமிஞ்சிய சுறுசுறுப்புக்கு இந்த வர்ணம் காரணமாக உள்ளது. அதோடு மட்டுமல்லாமல் இவ்வர்ணம் க்ரோமோசோம் பாதிப்பையும், அலர்ஜியையும் ஏற்படுத்தும். இந்த வர்ணம் சோதனை செய்யப்பட்ட 16 உணவு வகைகளில் காணப்பட்டுள்ளது. அவைகளில் கோய், கெதாயாப், கொய் செரி ஆயு. புபோர் சாச்சா மற்றும் பிரியாணியும் அடங்கும்.

கார்மோசின்

உணவுகளுக்கு சிவப்பு வர்ணத்தை கொடுக்கும் இந்த இராசயனம் அலர்ஜியையும், மற்றும் உணவுக்கு நஞ்சுத்தன்மையையும் உண்டாக்கும். எங்கள் சோதனையின் மூலம், 14 உணவு வகைகளில் இவ்வர்ணம் உள்ளதாக கண்டறியப்பட்டுள்ளது. இவைகளில் ஊடான் மற்றும் கோழி சாப் உள்ள ரோஸ் பான வகைகள், புபோர், சாச்சா, தேங்காய் கேன்டி, ஜிலேபி, லட்டு மற்றும் கோய் பிரிங் போன்றவைகளும் அடங்கும்.

போன்சியாவ் 4 ஆர்

புற்றுநோயை வரவழைப்பதோடல்லாமல், இவ்வர்ணம் அலர்ஜி, ஆஸ்துமா மற்றும் உடம்பு திசுக்கள் வீங்கிப் போதல் போன்ற உபாதைகளையும் உண்டாக்கும். சோதனை செய்யப்பட்ட 11 உணவு வகைகளில் இவ்வர்ணம் காணப்பட்டுள்ளது. இவ்வுணவு வகைகளில் சாப் ஆயாம் ஆரஞ்சு பானம், ஊடான் கிரேக்கர், பழ ஊறுகாய்கள் வகைகள் மற்றும் சாக்லெட்டுகளும் அடங்கும்.

எரிஸ்த்ரோசின்:

சிவப்பு எண். 3 என்றழைக்கப்படும் இவ்வர்ணம் பிராணிகளின் மேல் சோதனை செய்யப்பட்ட பொழுது தைரோய்ட் தியுமரை வரவழைப்பதாக அறியப்பட்டுள்ளது. இது கோய், இனிப்பு தோசை (அப்பம்) மற்றும் பீச் ஊறுகாயிலும் இருப்பதாக கண்டறியப்பட்டுள்ளது.

மிகமோசமான உதாரணங்கள்:

மேற்கொள்ளப்பட்ட 40 உணவுச் சோதனைகளில், 19 (சுமார் 47%) உதாரணங்களில் இரண்டு அல்லது அதற்கும் மேலான இராசாயன வர்ணங்கள் அடங்கியிருக்கின்றன.

இதில் மிக மோசமானது புபோர் சாச்சா உதாரணமாகும். ஒரு புபோர் சாச்சாவில் 5 விதமான வர்ணங்கள் இருப்பதாக கண்டறியப்பட்டுள்ளது.

இதனையடுத்து சாக்லெட் வகைகளில் 4 விதமான வர்ணங்கள் இருப்பதாக கண்டறியப்பட்டுள்ளது.

பிரியாணியில் 3 விதமான வர்ணங்கள் இருப்பதாக சோதனையின் மூலம் கண்டறியப்பட்டுள்ளது.

உணவு பொருட்களில் கண்டறியப்பட்ட 6 வர்ணங்களும் (ரோடாமின் பி யைச் சேர்க்காமல்) பெரும்பாலான நாடுகளில் தடைசெய்யப்பட்டுள்ளது. இருப்பினும் இவ்வர்ணங்களை உபயோகிக்க நம் நாட்டில் இன்னும் அனுமதி வழங்கப்பட்டிருக்கிறது. இதனை விட மோசமான நிலைமை என்ன வென்றால் இவ்வர்ணங்கள் உபயோகிக்கப்படும் அளவுகள் நிர்ணயிக்கப்படவில்லை. அதனால் உணவு உற்பத்தியாளர்கள் எவ்வளவு வர்ணம் வேண்டுமானாலும் உபயோகிக்கும் சுதந்திரம் பெற்றுள்ளனர். இவ்வர்ணங்கள் இயற்கை வர்ணங்களை விட விலை குறைவாக உள்ளதால் எவ்வளவு வேண்டுமானாலும் உபயோகித்துக் கொள்கின்றனர்.

1994 ல் மேற்கொண்ட சோதனையில் e  ரெபுசில் போன்கியாவ் 4 ஆரும் சன்செட் யெல்லோவும் இருப்பதாக கண்டறியப்பட்டுள்ளது.

1993ல் செய்த சோதனையில், தேயிலை தயாரித்த மீதக் கலவை, மிளகாய் மற்றும் மஞ்சள் துகள்களில் தடைசெய்யப்பட்ட வர்ணங்கள் அடங்கியுள்ளதாக கண்டுபிடிக்கப்பட்டுள்ளது.

1986ல் நடத்தப்பட்ட சோதனையில் தார்த்ராசைன் மற்றும் சன்செட் யெல்லோவ் வர்ணங்கள் ஆரஞ்சு ஜுஸ் மற்றும் இதர பான வகைகளில் இருப்பதாக கண்டறியப்பட்டது.

1983ல் நடத்தப்பட்ட சோதனையில் 17 பான வகைகளில் இவ்வர்ணங்கள் சேர்க்கப்பட்டுள்ளதாக கண்டுபிடிக்கப்பட்டுள்ளது.

பிரபலமான காயவைக்கப்பட்ட உணவு வகைகளான உப்பு, மீன், வகைகள், காய்ந்த ஊடான் போன்றவற்றிலும் வர்ணம் இருப்பதாக கண்டுபிடிக்கப்பட்டுள்ளது.

இராசாயன வர்ணங்கள் ஆபத்தை விளைவிப்பதோடல்லாமல்

அவைகளில் சத்துகளும் இல்லாததால் அவை உடலுக்கு தேவையற்ற ஒன்றாகும். இக்காரணத்தினால் சம்பந்தப்பட்ட அதிகாரிகளை இவ்வர்ணங்களை உடனடியாக, முழுமையாக தடைசெய்யுமாறு பி.ப. சங்கம் கேட்டுக் கொள்கிறது. அதுவரைக்கும் சம்பந்தப்பட்ட தரப்பினர் செய்ய வேண்டியவை:

  1. உணவுச் சட்டம் 1985 ஐ முழுமையாக அமல் படுத்த வேண்டும்.
  2. தடை செய்யப்பட்ட வர்ணங்கள் உபயோகிக்கும் உற்பத்தியாளர்களை கண்டுபிடித்து தகுந்த நடவடிக்கை எடுக்க வேண்டும்.
  3. உணவு உற்பத்தியாளர்கள் இவ்வாறான வர்ணங்களை உபயோகிக்காமல் தடுக்கும் பொருட்டு தகுந்த நடவடிக்கை எடுக்க வேண்டும்.
  4. எல்லாவிதமான உணவு வகைகளிலும் நாளுக்கு நாள் முறையான சோதனைகள் செய்ய வேண்டும். இதன் மூலம் வர்ணங்கள் மற்றும் நஞ்சு, இரசாயனங்கள் உள்ளனவா என்பதை கண்டறிய முடியும்.

அதுவரைக்கும் பயனீட்டாளர்கள் வர்ணம் சேர்க்கப்பட்டுள்ள

உணவு வகைகளை தவிர்க்குமாறு கேட்டுக் கொள்ளப்படுகின்றனர். வீட்டில் சமைக்கப்படும் உணவுகளில் செயற்கை வர்ணத்திற்குப் பதிலாக இயற்கையான வர்ணங்களை பயன்படுத்துமாறும் கேட்டுக் கொள்கின்றோம்.

துத்தநாகம் (Zinc)

நீல – வெண்மை வண்ணம் கொண்ட உலோகம் துத்த நாகம். உடலில் மிக குறைந்த அளவு இருந்தும், எல்லா செல்களிலும் இருக்கும். பல பணிகளை புரியும் துத்தநாகத்தின் முக்கிய செயல்கள்-

நோய் தடுக்கும் சக்தியில் உள்ள பொருட்களில் ஒன்றானவை துத்த நாகம்

குறைந்த பட்சம் 100 என்ஜைம்கள், ஜிங்க்கின் நட்டையும், உதவியும் நாடுகின்றன. ஏனென்றால் ஜிங்க் ஒரு கிரியா ஊக்கி.

செல்கள் இரண்டாக பிரியும் போது, டி.என்.ஏ, ஆல்.என்.ஏ, உற்பத்திக்கு ஜிங்க் தேவை.

புரதம், கார்போஹைட்ரேட் இவைகளின் வளர்ச்சிதை மாற்றத்திற்கு ஜிங்க் உதவும்.

காயங்கள் ஆற, உடல் வளர்ச்சிக்கும், நல்ல பார்வைக்கும் ஜிங்க் உதவும்.

துத்தநாகம் சமஸ்கிருதத்தில் யஷாடா எனப்படுகிறது.

ஜிங்க், தனி உலோகமாக கிடைப்பதில்லை. ஆக்ஸிஜனுடன் சேர்ந்து ரெட் ஆக்ஸைட்டாக (Red – oxide), கார்பனுடன், சேர்ந்து கார்பனேட்டாகவும், கந்தகத்துடன் இணைந்து ஸல்ஃபைடாகவும், ஸிலிகாவும் சேர்ந்து சிலிகேட்டாகும் கிடைக்கிறது.

ஜிங்க் குறைந்தால்

உணவில் தானியங்கள், காய்கறிகள் மட்டுமே அதிகம் இருந்தால் போதாது. இவற்றில் ஜிங்க் இருந்தாலும் உடலால் சுலபமாக இந்த ஜிங்கை ஜீரணிக்க முடியாது. மாமிசம், முட்டை, லிவர், இவைகளிலிருக்கும் ஜிங்க் சுலபமாக ஜீரணமாகும்.

மதுபானங்கள் குடிப்பவர்களுக்கு ஜிங்க் குறைபாடு ஏற்படும்.

ஜிங்க் குறைந்தால் உடலின் நோய் தடுப்பு சக்தி பலவீனமடையும்.

நோய்க்கு எதிராக செயல்படும் செல்கள் குறைந்து விடும்.

ருசி, வாசனை அறியும் திறன் குறையும்.

உடல் வளர்ச்சி முழுமை பெறாமல் நின்று விடும். குள்ளர்களாக உருவமாகுவார்கள்.

ஞாபக சக்தி குறையும்.

ஜிங்க் குறைபாடு உள்ள குழந்தைகள் குறைந்த எடையுள்ளவர்களாக இருப்பார்கள். உடல் வளர்ச்சி தாமதமாகும்.

சிலருக்கு நகங்களில் வெள்ளை புள்ளிகள் காணப்படலாம். இவை ஜிங்க் குறைபாட்டை குறிக்கும்.

‘ஜிங்கி’ன் தினசரி தேவை

ஒரு நாளுக்கு 15.5 மில்லி கிராம் ஜிங்க் சராசரி மனிதனுக்கு தேவை. கர்ப்பிணி பெண்களுக்கு இன்னும் 5 I.A. அதிகம் தேவை. சைவ உணவு உண்பவர்களுக்கு 50% அதிகம் தேவை. சராசரி பெண்ணுக்கு 12 கிராமும், சிறுவர்களுக்கு 10 I.A. தினமும் தேவை.

ஜிங்க் நிறைந்த உணவுகள்

பழங்கள், பட்டாணி, உருளைக்கிழங்கு, சர்க்கரை வள்ளிக்கிழங்கு, வெங்காயம், பரங்கி விதைகள், முந்திரி பருப்பு, சூரிய காந்தி விதைகள், மாமிசங்கள், கடற் சிப்பிகள், சீஸ், அரிசி, பருப்புகள், கோதுமை தவிடு.

ஜிங்க் டானிக்குகள் தேவையா?

ஜிங்க் டானிக்குகளை அதிக நாட்களுக்கு உபயோகிப்பதால் பல பக்க விளைவுகள் ஏற்படலாம். மற்ற சத்துக்கள் ஜீரணமாவதை ஜிங்க் தடுக்கும். ஒரு நாளுக்கு 40 மில்லி கிராமுக்கு மேல் உபயோகிப்பவர்களுக்கு, நோய் தடுப்பு சக்தி குறைந்து, உடலுக்கு விஷமாகும்.

Box

துத்தநாகமும், சுக்கிலவலகமும்

ஆண்களின் பாலியல் சம்பந்தப்பட்ட உறுப்பு என சுக்கிலவலகம் (Prostate gland) உடலின் மற்ற பாகங்களை விட அதிகமாக துத்தநாகத்தை சேமித்து வைக்கிறது. இந்த சுரப்பியின் ஆரோக்கியத்திற்கு துத்தநாகம் அவசிய தேவை. ஆண் ஹார்மோன் மற்றும் சுக்கிலவலகம் – இவற்றின் செயல்பாடுகளுக்கு ஜிங்க் முக்கியம் என்பதால், ஜிங்கை “ஆண் தாதுப்பொருள் என்று அழைக்கிறார்கள்” விந்து உற்பத்திக்கு உதவும் ஜிங்க், உடலில் குறைந்தால் ஆண்மைக்குறைவும் மலட்டுத்தன்மையும் ஏற்படும். தொற்று நோயால் (Prostatis) ப்ராஸ்ரேட் சுரப்பி பாதிக்கப்பட்டால், ஜிங்க் அளவுகள் குறைகின்றன. வயதும் ஜிங்க் அளவுகளை குறைக்கும். சுக்கிலவலகத்தின் பெரும் பிரச்சனை, வயதானால் வீங்கி விடும். இந்த வீக்கம் மற்ற அவயங்களை குறிப்பாக சிறுநீர் பையை அழுத்துவதால் பல பிரச்சனைகள் ஏற்படும். துத்தநாகம் இந்த வீக்கத்தை குறைப்பது ஆராய்ச்சிகள் மூலம் தெரிய வந்துள்ளது. சுக்கிலவலக புற்றுநோயையும், ஆரம்ப நிலையில் துத்த நாகத்தை கொடுத்து கட்டுப்படுத்தலாம்.


Spread the love
error: Content is protected !!