அனைவருக்கும் அழகாக மற்றும் பிட்டாக இருக்க வேண்டுமென்ற ஆசை இருக்கும். முக்கியமாக நடிகர், நடிகைகளைப் போன்று அழகான வளைவு நெளிவுகளை உடைய உடல் தோற்றத்தைப் பெற வேண்டும் என்று நினைப்போம். அதற்காக ஒவ்வொருவரும் ஒவ்வொரு நடிகர், நடிகைகளின் டயட் இரகசியங்களை தெரிந்து கொள்ள ஆவலாக இருப்போம்.
ஆண்கள் என்று எடுத்துக் கொண்டால், சூர்யா போன்று பிட்டான உடலைப் பெற வேண்டுமென்று நினைப்போம். பெண்கள் என்றால் நயன்தாரா அல்லது த்ரிஷாவைப் போல அழகான உடலமைப்பை பெற நினைப்போம். அப்படி உங்களுக்கு பிடித்த நடிகர், நடிகைகளின் டயட் இரகசியங்களைப் பற்றி தெரிந்து கொள்ள முடியவில்லையா? இனி கவலை வேண்டாம், இந்த கட்டுரையின் மூலம் தெரிந்து கொள்வோம் வாங்க…
நடிகர் சூர்யா பிட்டாக இருப்பதற்கு அவர் தினமும் உடற்பயிற்சிக்கு 1 மணிநேரம் செலவழிப்பதோடு, சரியான அளவில் ஆரோக்கியமான மற்றும் சத்தான உணவை தேர்ந்தெடுத்து உட்கொண்டு வருவது தான் காரணம். அதிலும் அவர் பளு தூக்கும் பயிற்சியை தினமும் மேற்கொண்டு வருகிறார்.
நடிகை நயன்தாரா இன்னும் பிட்டாக காணப்படுவதற்கு காரணம், அவர் தினமும் யோகா செய்வதோடு, அவரின் தொடர் வேலையிலும் சரியாக 8 மணிநேரம் தொடர்ந்து தூங்குகிறார். அதுமட்டுமின்றி, மதிய வேளையில் சிறிது நேரம் தூங்கவும் செய்கிறார். இது தான் அவர் இளமையோடும், அழகான உடலமைப்பையும் பெற்றுள்ளதற்கு பின்னணியில் இருக்கும் இரகசியம்.
நடிகர் விஜய் கூட சற்றும் குண்டாகாமல் அன்று கண்ட அதே அழகுடன் உடலை பராமரித்து வருகிறார். அதற்கு காரணம் அவர் பின்பற்றும் டயட் என்று நினைத்தால், அது தவறு. ஏனெனில், அவர் டயட் ஏதும் பின்பற்றுவதில்லை. மாறாக எந்த ஒரு உணவை சாப்பிட்டாலும், அளவாகத் தான் சாப்பிடுகிறார். மேலும், ஒருமுறை தட்டில் எவ்வளவு உணவு வைக்கிறார்களோ அதை மட்டும் தான் சாப்பிடுகிறார். அதுமட்டுமின்றி, தவறாமல் தினமும் உடற்பயிற்சியை மேற்கொண்டு வருவார்.
நடிகை த்ரிஷா சமச்சீர் உணவுடன், தினமும் தவறாமல் உடற்பயிற்சியை செய்து வருகிறார். மேலும் இவர் தனது வீட்டிலேயே மினி ஜிம் ஒன்றை வைத்து அன்றாடம் ஒன்றரை மணிநேராமாவது உடற்பயிற்சியை மேற்கொண்டு வருகிறார்.
மேலும் தெரிந்து கொள்ள…