முட்டைக் கோஸின் மருத்துவக் குணங்கள்

Spread the love

முட்டைக்கோஸ் என்றால் அதை ஒரு காய்கறியாகத்தான் நினைக்கத் தோன்றும். உண்மையில், இது கீரை வகையைச் சேர்ந்தது. உடலுக்கு வலிமை, அழகு, பொலிவு தரக்கூடிய கீரை இது. முட்டைக்கோஸில் வைட்டமின் – சி மற்றும் டி ஆகியவை குறிப்பிடத்தக்க அளவில் உள்ளன.

முட்டைக்கோஸை பச்சையாகவும் சாப்பிடலாம். சமைக்கிறேன் என்று நீண்ட நேரம் அடுப்பில் வைத்திருந்தால் முட்டைக்கோஸில் உள்ள சத்துகள் குறைந்துவிடும். அதனால், சரியான நேரத்தில் முட்டைக்கோஸ் சமையலை முடித்து விடுவது நல்லது.

முட்டைக்கோஸின் மருத்துவப் பயன்கள்

  1. முட்டைக்கோஸை பொடிப்பொடியாக அரிந்து, அதோடு உப்பு மற்றும் சீரகத் தூளைச் சேர்த்து வதக்கிச் சாப்பிட்டால், குடற்புண்கள் விரைவில் ஆறும்.
  2. முட்டைக்கோஸை பச்சையாக அரைத்துச் சாறு எடுத்து 60 மி.லி. அளவில் சாப்பிட்டால் வாய்ப்புண், தொண்டைப்புண், குடற்புண் போன்றவை குணமாகும்.
  3. முட்டைக்கோஸை பொடிப்பொடியாக அரிந்து, தயிர், வெங்காயம், உப்பு ஆகியவற்றைச் சேர்த்துச் சாப்பிட்டால் இளைத்த உடல் பெருக்கும்.
  4. முட்டைக்கோஸுடன், மிளகு, சீரகம், பூண்டு, வெங்காயம் ஆகியவற்றைச் சேர்த்து சூப் செய்து, இரவு தூங்குவதற்கு முன் சாப்பிட்டால் மலச்சிக்கல் மறையும். மூல நோய்களும் குணமாகும்.
  5. முட்டைக்கோஸுடன் வெங்காயத்தைச் சேர்த்து வதக்கி, காலை உணவாக 48 நாள்கள் சாப்பிட்டால் உடல் பருமன் குறையும்.

எளிதில் ஜீரணமாகும். இதயத்திற்கு பலம் தரும். உடலுக்கு குளிர்ச்சியைத் தரும்.இளமையில் ஏற்படும் முதுமையைத் தடுக்கும். முடி, பற்களை உறுதியாக்கும்.

தொற்றுநோய் வராமல் தடுக்கும். மூல நோய் வராமல் தடுக்கும். மலக்கட்டைப் போக்கும். பித்த மயக்கம், காய்ச்சல், தோல் நோய்கள், சிறுநீர்க் கோளாறுகள், நரம்புத் தளர்ச்சி ஆகியவற்றுக்கு நல்லது.

புற்றுநோய் வராமல் தடுக்கும். வயிற்றுப்புற்றைக் குணப்படுத்தும். ரத்த அழுத்த நோயாளிகள் உண்பது நல்லது. குழந்தைக்கும் முதியோருக்கும் ரொம்ப ரொம்ப நல்லது.

வாத நோயுள்ளவர்கள் இரவிலும், மழைக் காலத்திலும் உண்ணக் கூடாது. சுவாச காச நோயாளிகளும் இருமல் உள்ளவர்களும் உண்ணக் கூடாது. இதில் உள்ள பார்ட்ரானிக் அமிலம் தேவைக்கு அதிகமாக நாம் உட்கொள்ளும் மாவுப் பொருட்கள் கொழுப்பாக மாறாமல் தடுக்கிறது.

உணவு நலம் மே 2010

முட்டைக்கோஸ், காய்கறி, உடலுக்கு, வலிமை, அழகு, பொலிவு, வைட்டமின்,

முட்டைக்கோஸின், மருத்துவப், பயன்கள், குடற்புண்கள், வாய்ப்புண், தொண்டைப்புண், மலச்சிக்கல், மூல நோய்களும், உடல் பருமன்,




Spread the love