மனித உடலின் இயக்கத்தில் இரத்தத்தின் பங்கு அளப்பரியது. அதே போல், நலம் ஆரோக்கியமாக இருக்க இரத்தத்திலுள்ள ஹீமோகுளோபின் மிக முக்கிய பங்கை வகிக்கிறது. ஆகவே, இரத்தத்தில் இதனை இயல்பான அளவில் பராமரிக்க வேண்டியது மிக மிக அவசியம்.
டாக்டர்களிடம் செல்லும் போது உங்களுக்கு ஹீமோகுளோபின் அளவு கம்மியாக இருக்குது? என்று உங்களிடமோ அல்லது உங்கள் அருகில் இருப்பவரிடமோ சொல்லியிருக்கக் கூடும். ஆனால், ஹீமோகுளோபின் என்றால் என்ன? என்பது தெரியாமல் விழிபிதுங்க நின்றிருக்கலாம்.
ஹீமோகுளோபின் என்பது நம் சிவப்பு இரத்த அணுக்களில் உள்ள இரும்புச் சத்து நிறைந்த புரதமாகும். நம் உடல் முழுவதும் ஆக்ஸிஜனைக் கொண்டு செல்லும் பொறுப்பு இந்த புரதத்துடையதாகும்.
இது வயது வந்த ஆண்களுக்கு 14 & 18 மி.கி / டெ.லி. மற்றும் வயது வந்த பெண்களுக்கு 12 & 16 மி.கி / டெ.லி. இருக்க வேண்டும். பல நேரங்களில் சிவப்பு ரத்த அணுக்கள் குறைவாக இருப்பதால் ஹீமோகுளோபினும் குறைந்து விடும். ஆனால், ஹீமோகுளோபின் குறைவிற்கு பின்னணியில் உள்ள காரணத்தைப் பொறுத்து, அதனை இயல்பு நிலைக்கு கொண்டு வருவதற்கான இயற்கையான வழிகளை தேர்ந்தெடுக்க வேண்டும்.
எத்தகைய உணவுகளை எடுத்துக் கொள்ளலாம் என்பதை இனி காண்போம்…
சிவப்பு இரத்த அணுக்களை உருவாக்க தேவையாக இருப்பது பி & காம்ப்ளக்ஸ் வைட்டமினான ஃபோலிக் அமிலமாகும். அதனால், ஃபோலிக் அமில குறைபாடு இருந்தால், ஹீமோகுளோபின் அளவு தானாகவே குறைந்து விடும். அதனால், ஃபோலிக் அமிலம் வளமையாக உள்ள பச்சை இல்லை காய்கறிகள், ஈரல், அரிசி சாதம், முளைத்த பயறு, காய்ந்த பீன்ஸ், கோதுமை, சத்தூட்டப்பட்ட தானியங்கள், கடலை, வாழைப்பழம் மற்றும் ப்ராக்கோலி போன்ற உணவுகளை உட்கொள்ளுங்கள்.
ஹீமோகுளோபின் அளவை அதிகரிக்க வைக்க பீட்ரூட் அதிகமாக பரிந்துரைக்கப்படுகிறது. இரும்புச்சத்து, ஃபோலிக் அமிலம், நார்ச்சத்து மற்றும் பொட்டாஷியம் இதில் வளமையாக உள்ளது. இதிலுள்ள ஊட்டச்சத்துக்கள் உடலில் உள்ள சிவப்பு இரத்த அணுக்களின் எண்ணிக்கையை அதிகரிக்க உதவும்.
தினமும் ஒரு ஆப்பிள் உட்கொண்டால் இயல்பான ஹீமோகுளோபின் அளவை பராமரிக்கலாம் ஆப்பிள்களில் இரும்புச்சத்துடன் சேர்த்து உடல் நலத்திற்கு நன்மையை அளிக்கும் பல பொருட்கள் வளமையாக உள்ளது. தினமும் தோலுடன் கூடிய ஒரு ஆப்பிளை முடிந்தால் கிரீன் ஆப்பிள் கண்டிப்பாக உண்ணுங்கள்.
ஹீமோகுளோபின் அளவு குறைவாக இருப்பதற்கு இரும்புச்சத்து குறைபாடு ஒரு பொதுவான காணரமாக உள்ளது. ஹீமோகுளோபின் உற்பத்திக்கு இரும்புச்சத்து ஒரு முக்கியமான பொருளாக விளங்குகிறது. ஈரல், சிவப்பு அரிசி, இறைச்சி, இறால், டோஃபு கீரைகள், பாதாம், பேரீச்சம் பழம், பயறு, சத்தூட்டிய காலை உணவு தானியங்கள், கடல் சிப்பிகள் மற்றும் அஸ்பராகஸ் போன்ற இரும்புச்சத்து நிறைந்த உணவுகளை உண்ணவும். வைட்டமின் & சி வளமையாக உள்ள பப்பாளி, ஆரஞ்சுப் பழம், எலுமிச்சை, ஸ்ட்ராபெர்ரி, குடைமிளகாய், ப்ராக்கோலி, பம்ளிமாஸ், தக்காளி மற்றும் கீரைகள் போன்றவற்றை உண்ணவும். அதிலும் மருத்துவரை கலந்தாலோசித்த பிறகு வைட்டமின் & சி அடங்கியுள்ள மாத்திரைகளையும் உண்ணலாம்.
இரத்த சோகையை எதிர்த்து போராடவும், ஹீமோகுளோபின் அளவை அதிகரிக்கவும் நாட்டு சிகிச்சையான சர்க்கரைப் பாகுவை பயன்படுத்தலாம். சர்க்கரைப்பாகுவில் இரும்புச்சத்து, ஃபோலேட் மற்றும் பல்வேறு பி வைட்டமின்கள் அடங்கியுள்ளது. இது சிவப்பு இரத்த அணுக்களின் உற்பத்தியை அதிகரிக்க உதவும். 2 டீஸ்பூன் சர்க்கரைப்பாகுவை 2 டீஸ்பூன் ஆப்பிள் சிடர் வினிகள் மற்றும் 1 கப் தண்ணீருடன் கலந்திடுங்கள் இதனை தினமும் ஒரு முறை குடியுங்கள்.