சத்தான கொய்யா

Spread the love

கொய்யாப் பழம் சுவை மிக்கதாகவும், சத்து நிரம்பியதாகவும், வாங்குவதற்கு எளிதானதாகவும் இருக்கும் கொய்யாப்பழம் நடுத்தர வர்க்கத்தினரிடையே நல்ல வரவேற்பைப் பெற்றிருப்பதில் வியப்பு எதுவுமில்லை. ஆப்பிளைப் போன்று விட்டமின் சிநிறைந்ததாகவும் தாதுப்பொருட்கள் செறிந்ததாகவும், விலை மலிவாகவும் இருப்பதால் எளிய மக்களுக்கு ஏற்ற பழமாக இது மாறிவிட்டது. மேலும் காஷ்மீரத்திலிருந்தோ, இமாசலத்திலிருந்தோ வர வேண்டிய கட்டாயம் எதுவுமின்றி உள்ளூரிலேயே பயிரிடப்படும் இப்பழம் ஏறக்குறைய ஆண்டு முழுவதும் கிடைக்கிறது.

கொய்யா மரத்தின் தாயகம் என்று எடுத்துக் கொண்டால் அது தென்அமெரிக்கா என்று தான் கூற வேண்டும். தென் அமெரிக்காவிலிருந்து 1526 ல் மேற்கு இந்தியத் தீவுகளுக்கு எடுத்துச் செல்லப்பட்டு பின்னர் பிலிப்பைன்ஸ்க்கு சென்று அங்கிருந்து போர்த்துகீசியரால் இந்தியாவிற்குக் கொண்டு வரப்பட்டது. இந்தியா முழுதும் சுமார் 41/2 லட்சம் ஏக்கரில் ஆண்டொன்றிற்கு 15 லட்சம் டன் பழங்கள் சாகுபடி செய்யப்படுகின்றன. இந்நாட்டில் பயிராகும் அனைத்து பழ வகைகளில் மொத்த எடையில் இது 9 சதவிகிதமாகும்.

கொய்யப்பழத்தில் பல வகைகள் இருந்தாலும் அவற்றின் உட்புற நிறத்தைக் கொண்டு அதை சிவப்புக் கொய்யா என்றும் வெள்ளைக் கொய்யா என்றும் இரு வகையாகப் பிரிக்கின்றனர். உட்புறம் சிவப்பாக இருந்தாலும் வெண்மையாக இருந்தாலும் சத்தைப் பொறுத்தவரை இரண்டுமே ஒன்று தான்.

கொய்யாப் பழங்களிலும், கொட்டையிலும் புரோட்டீன் கொழுப்பு மற்றும் மாவுச் சத்துக்கள் சிறிதளவே இருந்தாலும் நார்ச்சத்தும், கால்ஷியம், இரும்பு, பாஸ்பரஸ் போன்ற கனிமங்களும் நிறைந்த அளவில் உள்ளன. 100 கிராம் கொய்யாப்பழத்தில் சுமார் 210 மில்லி கிராம் விட்டமின் சிஇருப்பதாக கணக்கிடப்பட்டுள்ளது. நன்கு பழுத்த பழத்தைக் காட்டிலும் முக்கால் பழமாக உள்ள பழத்தின் வைட்டமின் சிஅதிகம் உள்ளது.

100 கிராம் கொய்யாப்பழத்தில் அடங்கியுள்ள சத்துக்கள்

ஈரப்பதம்-81.7%, புரதம்-0.9%., கொழுப்பு-0.3%., மணிச்சத்து-0.7%., நார்ச்சத்து-5.2%., மாவுச்சத்து-11.2%., கலோரி அளவு-51.

மணிச்சத்துக்களும், வைட்டமின்களும்

கால்சியம்-10மி.கி., பாஸ்பரஸ்-28மி.கி., இரும்புச்சத்து-0.27மி.கி., வைட்டமின்சி‘-210மி.கி., வைட்டமின் Hகாம்ப்ளெக்ஸ்-சிறிதளவு.

இயற்கையிலேயே கொய்யாப்பழம் ஒரு சிறந்த மலமிளக்கியாகச் செயல்படுகிறது. நாள்தோறும் ஒரு நடுத்தர அளவுள்ள கொய்யாப்பழம் சாப்பிட்டு வர மலச்சிக்கல் நிவர்த்தியாகும். கொய்யாப்பழத்தின் தோல் பகுதியிலுள்ள விட்டமின் Cபல் மற்றும் ஈறு தொடர்புடைய நோய்களைப் போக்க வல்லது. பழுக்காத கொய்யாக்காய் வயிற்றுக் கடுப்பையும், வயிற்றோட்டத்தையும் தடுக்கும்.

கொய்யா மரத்தின் பட்டை மற்றும் வேர் ஆகியவற்றைக் கொண்டு தயாரித்த கஷாயம் சிறு குழந்தைகளுக்கு ஏற்படும் வயிற்றுப் போக்கைத் தடை செய்யும். இலையைக் கஷாயமிட்டு அதை வாயிலிட்டுக் கொப்பளிக்க ஈறு வீக்கம் கட்டுப்படும். சிறு குழந்தைகளுக்கு ஏற்படும் மலக்குடல் பிதுக்கத்திற்கு கொய்யா இலையை அரைத்துப் பற்றுப் போட நல்ல குணம் தெரியும்.

கொய்யா மசாலா ஜுஸ்

தேவையான பொருட்கள்

கொய்யாப்பழம்  –2

எலுமிச்சம் ஜுஸ்-1டீஸ்பூன்

ரெட்சில்லி சாஸ்-சில துளிகள்

உப்பு           –1சிட்டிகை

சீனி            -தேவையான அளவு

ஐஸ்க்யூப்ஸ்    -சிறிது

செய்முறை

கொய்யாப்பழத்தை நறுக்கி மிக்ஸியில் போட்டு சிறிது தண்ணீர் சேர்த்து அரைத்து வடிகட்டிக் கொள்ளவும். ஒரு ப்ளண்டரில் கொய்யா ஜுஸ், எலுமிச்சம் ஜுஸ், ரெட் சில்லி சாஸ், உப்பு, சீனி, ஐஸ் க்யூப்ஸ் ஆகியவற்றைச் சேர்த்து ஒரு அடி அடித்து ஜில்லென்று பருகவும்.

கொய்யா இலை ஜுஸ்

தேவையான பொருட்கள்

கொய்யா இலை-1/2கப்

பால்           –1கப்

தேன்           –2டீஸ்பூன்

ஏலக்காய்ப் பொடி-1சிட்டிகை

செய்முறை

கொய்யா இலைகளை காம்பு எடுத்து விட்டு மிக்ஸியில் அரைத்து வடிகட்டிக் கொள்ள வேண்டும். பின் மற்ற பொருட்கள் எல்லாவற்றையும் கலந்து ஐஸ் க்யூப்ஸ் சேர்த்துப் பருகவும்.

கொய்யா ஸ்குவாஷ்

தேவையான பொருட்கள்

பழுத்தகொய்யா –500கி

சீனி            –200கி

எலுமிச்சம்ஜுஸ்-4டீஸ்பூன்

உப்பு           –1/2டீஸ்பூன்

கேவ்ராஎசன்ஸ் –10துளிகள்

தண்ணீர்        –1200மி.லி.

செய்முறை

500 மி.லி. தண்ணீர் எடுத்து அதில் சீனியைப் போட்டு கொதிக்க வைத்து அடுப்பிலிருந்து இறக்கி ஆற விடவும். கொய்யாவின் தோலை சீவி துண்டுகளாக நறுக்கி 100 மி.லி. தண்ணீர் ஊற்றி ஒரு மூடி போட்டு மூடி வேக விடவும். கொய்யா நன்கு வெந்தவுடன் உப்பு, எலுமிச்சம் ஜுஸ் சேர்த்து இறக்கி, உருளைக்கிழங்கு மசிப்பதால் நன்கு மசிக்கவும். இதனை செய்து வைத்துள்ள சீனி சிரப்புடன் சேர்க்கவும். பின் இதனுடன் எசன்ஸ், மீதமுள்ள தண்ணீர் சேர்த்து கட்டிகள் இல்லாமல் நன்கு கலக்கவும். பின்னர் இதனை வடிகட்டியில் வடிகட்டி குளிர வைத்து பருகவும்.

உணவு நலம் அக்டோபர் 2011

சத்தான கொய்யா, கொய்யாப்பழத்திலுள்ள சத்துக்கள், கொய்யா மசாலா ஜுஸ், கொய்யா மசாலா ஜுஸ் செய்முறை, கொய்யா இலை ஜுஸ், கொய்யா இலை ஜுஸ்

செய்முறை, கொய்யா ஸ்குவாஷ், கொய்யா ஸ்குவாஷ் செய்முறை,


Spread the love